-
Përktheu:
Flutura Gashi-Mehmeti
- 16 maj 2024 11:04
- Shpërndaje në:
Mediat sllovake raportojnë se është ngritur akuzë për tentativë vrasjeje ndaj të dyshuarit për gjuajtjen me armë në drejtim të kryeministrit të Sllovakisë, Robert Fico.
Pamjet nga vendi i ngjarjes të publikuara të mërkurën tregojnë momentin kur i dyshuari, gjuan me armë zjarri në drejtim të kryeministrit sllovak, në momentin kur ai ishte afruar për t’i përshëndetur mbështetësit e tij në qytetin Handlova.
Ngjarja ka ndodhur jashtë një qendre kulturore në këtë qytet, ku Fico sapo kishte dalë nga një takim i kabinetit qeveritar.
Ndërkohë, Këshilli i Sigurisë i Sllovakisë pritet të mbajë një takim të enjten për të diskutuar për hapat e ardhshëm pas sulmit shokues, që është përshkruar nga zyrtarët si dita më e errët në historinë moderne të shtetit.
Zyrtarë të spitalit ku po trajtohet kryeministri sllovak, kanë bërë të ditur të enjten se gjendja e tij është stabile por ende e rëndë.
Sipas tyre, operacioni i Ficos ka zgjatur rreth pesë orë.
LEXO EDHE:
