Kryeministri i Izraelit, Benjamin Netanyahu ka kritikuar demonstratat pro-palestineze në kampuset e kolegjeve amerikane, duke i quajtur ato antisemitike dhe duke i krahasuar me ato që çojnë në Holokaust.
Në një video deklaratë të lëshuar të mërkurën, Netanyahu ka thënë se "turmat antisemite kanë pushtuar universitetet kryesore" ku "ata bëjnë thirrje për asgjësimin e Izraelit", raporton AP.
"Kjo të kujton atë që ndodhi në universitetet gjermane në vitet 1930. Është e pandërgjegjshme”, ka thënë Netanyahu.
Ai u ka bërë thirrje zyrtarëve shtetërorë, lokalë dhe federalë që të ndërhyjnë.
Grupet që organizojnë protestat mohojnë akuzat për antisemitizëm, duke thënë se demonstratat i drejtohen Izraelit dhe veprimeve të tij në Gaza.
Nxënësit po kërkojnë që shkollat të ndërpresin lidhjet financiare me Izraelin dhe të largohen nga kompanitë që mundësojnë konfliktin e tij prej muajsh, i cili u ndez nga sulmi i Hamasit më 7 tetor në Izraelin jugor.
Dhjetëra janë arrestuar me akuza për shkelje të ligjit ose sjellje të çrregullt.
Disa studentë hebrenj po marrin pjesë në protesta, ndërsa të tjerë thonë se demonstratat janë kthyer në antisemitizëm dhe i kanë bërë ata të frikësohen të shkelin në kampus.
