Greqia ka vendosur gjashtë ditë pune në javë për industri të caktuara në një përpjekje për të nxitur rritjen ekonomike.
Legjislacioni i ri, i cili hyri në fuqi në fillim të korrikut, u lejon punonjësve të punojnë deri në 48 orë në javë në krahasim me 40.
Zbatohet vetëm për bizneset që operojnë në baza 24-orëshe dhe është opsionale për punëtorët, të cilët paguhen 40 për qind shtesë për punën jashtë orarit që bëjnë.
Megjithatë, masa e qeverisë greke është në kundërshtim me kulturën e vendit të punës gjetkë në Evropë dhe SHBA, ku modelet e punës katër-ditore po bëhen më të zakonshme. Kompanitë që miratojnë këto politika zakonisht argumentojnë se duke punuar më pak orë rritet produktiviteti dhe mirëqenia e stafit.
Greqia shpreson që plani javor për gjashtë ditë pune në javë do të ndihmojë edhe në luftimin e punëtorëve të padeklaruar që çon në evazion fiskal, shkruan BBC.
Bizneset turistike dhe industria ushqimore nuk përfshihen në legjislacion.
Kryeministri grek Kyriakos Mitsotakis ka thënë se “bërthama e këtij legjislacioni është miqësor ndaj punëtorëve, i orientuar drejt rritjes ekonomike”.
“Dhe kjo e sjell Greqinë në linjë me pjesën tjetër të Evropës”, ka shtuar Mitsotakis.
