Ndalimi i Unrwa-s do të shkaktojë më shumë vuajtje për palestinezët, thotë kreu i agjencisë

Kreu i agjencisë së OKB-së për refugjatat palestinezë, Philipe Lazzarini, ka deklaruar të mërkurën se ligji i ri izraelit që ndalin aktivitetin e saj në Izrael, do të shkaktojë vakuum që do të kushtojë me jetë njerëzish, me më shumë jostabilitet në Gaza dhe në Bregun Perëndimor. 

Lazzarini, i cili është komisioner i Përgjithshëm i Unrwas, ka thënë në një intervistë për AP, se legjislacioni është "në fund të fundit kundër vetë palestinezëve", duke u mohuar atyre në mënyrë efektive një ofrues funksional të shërbimeve për shpëtimin e jetës, arsimit dhe kujdesit shëndetësor.

Unrwa ka qenë agjencia kryesore e prokurimit dhe distribuimit të ndihmave në Rripin e Gazës, ku shumica e popullatës prej rreth 2,3 milionë palestinezësh mbështetet në agjenci për mbijetesë, në mes të luftës pothuajse 13-muajshe të ushtrisë izraelit me grupin militant, Hamas. 

Dhjetëra e mijëra palestinezë të zhvendosur janë duke u strehuar në shkollat e udhëhequra nga Unrwa. Grupet e tjera të ndihmës thonë se infrastruktura e fortë, e vjetër e agjencisë në të gjithë Gazën është e pazëvendësueshme. 

Deri më tani, Izraeli nuk ka paraqitur asnjë plan për marrjen e ushqimeve, ilaçeve dhe furnizimeve të tjera për popullsinë e Gazës në mungesë të Unrwas. 

Izraeli pretendon se Hamasi dhe militantë të tjerë janë infiltruar në Unrwa duke përdorur objektet e saj dhe duke marrë ndihmë, pretendime për të cilat ai ka dhënë pak prova. Ligjet, të miratuara nga parlamenti këtë javë, ndërpresin të gjitha lidhjet me Unrwan dhe ndalojnë operacionet e saj në Izrael.

“Nëse vendimi izraelit zbatohet kjo do të ishte një katastrofë totale...kjo do të krijonte një vakum. Do të ushqente gjithashtu më shumë destabilitet në Bregun Perëndimor dhe Gaza. Të përfundojë Unrwa aktivitetet e saj brenda tre muajve do të thotë gjithashtu se më shumë njerëz do të vdesin në Gaza”, ka deklaruar Lazzarini. 

Ai ka thënë se agjencia po kërkon "mënyra kreative për të vazhduar funksionimin tonë", teksa bëri thirrje për mbështetje nga Asambleja e Përgjithshme e OKB-së dhe donatorët për të vazhduar ofrimin e shërbimeve dhe i bëri thirrje Izraelit të anulojë vendimin ose të zgjasë periudhën e mospagimit prej tre muajsh. 

Për dekada, Unrwa ka operuar rrjete shkollash, objektesh mjekësore dhe shërbime të tjera rreth Gazës dhe Bregut Perëndimor, si dhe në Libanin, Sirinë dhe Jordaninë fqinje. Veçanërisht në Gaza, ajo luan një rol të madh në ruajtjen e shërbimeve sociale dhe atyre të ekonomisë, si punëdhënësi më i madh i vetëm në territor dhe burimi i arsimit dhe kujdesit shëndetësor për pjesën më të madhe të popullsisë.

LEXO EDHE: