Një mjek italian është duke u hetuar pasi i bëri maces së tij skanim me rreze X në një spital në Aosta para se ta bënte operacion.
Gianluca Fanelli e çoi macen e quajtur Athena në spitalin “Umberto Parini”, ku ai është menaxher i njësisë së radiologjisë, pasi ajo ra nga çatia.
“Ajo ishte mes jetës dhe vdekjes. E dija se mund ta shpëtoja me një intervenim të shpejtë”, ka thënë ai.
Macja mbijetoi, por autoriteti lokal për shëndetësi ndërmori hetim mbi incidentin dhe e referoi rastin te prokurorët në Aosta, të cilët thanë se Fanelli mund të përballet me akuza për shpenzim të parasë publike dhe privim të pacientëve nga shërbimet esenciale, raportoi The Guardian.
