-
Përktheu:
Flutura Gashi-Mehmeti
- 13 prill 2024 15:01
- Shpërndaje në:
Më shumë se 40 persona kanë mbetur të bllokuar në teleferikun lart mbi një mal në Turqinë jugore të shtunën, 19 orë pasi njëra prej kabinave goditi një shtyllë dhe u hap, duke lënë një person të vdekur dhe shtatë të lënduar.
Aksidenti ka ndodhur rreth orës 17:30 të premten në teleferikun Tunektepe, jashtë qytetit të Antalias. Operacionet për shpëtimin e personave të bllokuar vazhduan gjatë gjithë natës.
“128 qytetarë në 16 gropa janë shpëtuar në kushte të vështira”, ka thënë për mediat të shtunën në mëngjes Okay Memis, drejtor i agjencisë turke të kërkim-shpëtimit AFAD.
Ai shtoi se ekipet e shpëtimit shpresojnë të përfundojnë operacionet e shpëtimit para se të errësohet.
Incidenti ndodhi kur një kabinë teleferiku goditi një shtyllë dhe u hap, duke bërë që pasagjerët të binin poshtë malit, ka bërë të ditur policia turke.
Agjencia shtetërore Anadolu e identifikoi të ndjerin si një turk 54-vjeçar.
Të lënduarit ishin gjashtë shtetas turq dhe një shtetas Kirgistan, mes të cilëve dy fëmijë. Ata u shpëtuan nga helikopterët e Rojes Bregdetare.
LEXO EDHE:
