Më shumë gra në Iran shihen pa hixhabe që nga vdekja e Mahsa Aminit

Kanë kaluar gati dy vjet nga goditja e përgjakshme disamujore nga forcat iraniane të sigurisë ndaj protestuesve që dolën në rrugë për vdekjen e Mahsa Aminit, një gruaje 22-vjeçare që vdiq pasi u arrestua nga policia morale e Iranit, nën dyshimin se kishte veshur hixhabin e saj në mënyrë të pahijshme. 

Më shumë se 500 njerëz u vranë dhe mbi 22,000 u arrestuan gjatë aksionit, raporton AP.

Që atëherë, Irani ka vrarë shumë protestues të cilët u arrestuan gjatë goditjes dhe u akuzuan për vrasjen e forcave të sigurisë, pas gjyqeve me dyer të mbyllura të kritikuara nga aktivistët jashtë vendit.

Gjykata e Lartë e Iranit ka lënë në fuqi një dënim me vdekje të vendosur ndaj një anëtari të krahut vullnetar të Gardës Revolucionare paraushtarake të vendit, i cili sulmoi një shtëpi gjatë protestave të vitit 2022 për vdekjen e Mahsa Aminit dhe vrau një 60-vjeçar, ka bërë të ditur një avokat në fillim të shtatorit.

Dënimi ndaj anëtarit të Basij-it shënon një moment të rrallë që Irani të mbajë përgjegjës forcat e tij të sigurisë.

Në Teheran, gratë shihen në mënyrë rutinore pa shamitë e tyre të detyrueshme ose hixhabet, në shenjë proteste ndaj një ligji që i detyron ato.

Policia ka nisur sërish arrestimin dhe gjobitjen e grave, por nuk ka pasur asnjë incident abuzimi që të nxisë protesta të reja mbarëkombëtare. Megjithatë, rreziku mbetet i lartë.