Mbi 300 njerëz mbeten të varrosur nga rrëshqitja masive e dheut në Papa Guinenë e Re

Më shumë se 300 njerëz dhe mbi 1,100 shtëpi kanë mbetur të varrosur nga një rrëshqitje masive dheu që rrafshoi një fshat të largët në veri të Papa Guinesë së Re, raportuan mediat lokale të shtunën.

Dyshohet për qindra të vdekur në rrëshqitjen e dheut që goditi fshatin Kaokalam në provincën Enga, rreth 600 km në veriperëndim të kryeqytetit Port Moresby, mëngjesin e së premtes, raporton Reuters.

Korporata e Transmetimeve Australiane raportoi të shtunën se katër trupa ishin nxjerrë nga zona pasi ekipet e urgjencës arritën në zonën e pakët të populluar, ku numri i të vdekurve pritet të rritet.

Rrëshqitja e dheut ka bllokuar hyrjen në autostradë, duke i bërë helikopterët të vetmen mënyrë për të arritur në zonë, raportoi transmetuesi.

Pamjet e publikuara në mediat sociale nga fshatari Ninga Role tregonin njerëzit duke u ngjitur mbi shkëmbinj, pemë të shkulura, në kërkim të të mbijetuarve. 

Kryeministri James Marape ka thënë se zyrtarët e fatkeqësive, Forca e Mbrojtjes dhe Departamenti i Punëve dhe Autostradave po ndihmonin me përpjekjet për ndihma dhe rimëkëmbje.