Presidenti i Francës, Emmanuel Macron, ka thënë se nuk do ta emërojë qeverinë e re deri pas përfundimit të Lojërave Olimpike në Paris, raporton "BBC".
Lojërat Olimpike në Paris nisin më 26 korrik e përfundojnë më 11 gusht.
Kjo vjen pasi Fronti i Ri Popullor (NFP), një koalicion i krahut të majtë që përbën grupin më të madh në Parlamentin e Francës pas zgjedhjeve të fundit, ka paraqitur një nëpunëse civile pak të njohur, Lucie Castets, si kandidate për kryeministër.
Duke iu përgjigjur propozimit, Macron tha se caktimi i një takimi të ri para mesit të gushtit do të “krijonte çrregullim”.
Politikanët e krahut të majtë e kanë akuzuar atë se po tenton “t’i anulojë rezultatet e zgjedhjeve”.
Ceremonia hapëse e Lojërave Olimpike mbahet në qendër të Parisit të premten.
