Uashingtoni mund të përpiqet të detyrojë Moskën dhe Pekinin të kthehen kundër njëri-tjetrit, ka thënë presidenti bjellorus Alexander Lukashenko, transmeton agjencia e lajmeve Belta të premten.
“Ne nuk e dimë se çfarë do SHBA-ja. E them këtë sepse jam përfshirë në këto çështje. Nuk e dimë se çfarë do të kërkojnë nga rusët për t'i dhënë fund luftës. Më duket se ata do të përpiqen të vendosin rusët kundër kinezëve”, ka thënë Lukashenko gjatë një vizite pune në rajonin e Minskut.
Moska nuk mund të lejojë që kjo të ndodhë, shtoi lideri bjellorus.
Lukashenko tutje u shpreh se situata politike në botë, e cila më parë rëndoi ekonominë për shkak të veprimeve të Uashingtonit, po ndryshon me shpejtësi.
Më 11 shkurt, bisedimet ruso-amerikane të nivelit të lartë u mbajtën në kryeqytetin saudit Riad; zgjatën katër orë e gjysmë. Pala ruse u përfaqësua nga ministri i Jashtëm Sergey Lavrov dhe ndihmësi i presidentit Yuri Ushakov. Uashingtoni u përfaqësua nga sekretari i Shtetit Marco Rubio, këshilltari i Sigurisë Kombëtare, Michael Waltz dhe i dërguari special për Lindjen e Mesme, Steven Witkoff.
