-
Përktheu:
Flutura Gashi-Mehmeti
- 27 janar 2025 11:58
- Shpërndaje në:
Udhëheqësi autoritar i Bjellorusisë, Alexander Lukashenko, ka zgjatur më shumë se tre dekadat e tij në pushtet, në zgjedhjet presidenciale të së dielës, pas një fushate në të cilën katër kundërshtarë simbolikë lavdëruan sundimin e tij.
Komisioni Qendror i Zgjedhjeve i vendit shpalli Lukashenkon fitues në orët e hershme të së hënës dhe e riafirmoi atë më vonë gjatë ditës, duke thënë se lideri i fortë fitoi me një shumicë, duke marrë gati 87% të votave sipas rezultateve paraprake, raporton AP.
“Nuk u regjistruan shkelje gjatë votimit”, ka thënë kryetari i Komisionit Qendror të Zgjedhjeve, Igor Karpenko.
Bashkimi Evropian i ka hedhur poshtë zgjedhjet në Bjellorusi si të paligjshme dhe kërcënoi me sanksione të reja.
Lukashenko ka qenë në pushtet që nga viti 1994 dhe ka qeverisur vendin me 9 milionë banorë me “dorë të hekurt”.
Ai mbështetet në subvencionet dhe mbështetjen politike nga Rusia.
Lukashenko e ka lejuar Moskën të përdorë territorin e vendit për të nisur konfliktin në Ukrainë në vitin 2022 dhe më vonë ka pritur disa nga armët taktike bërthamore të Rusisë.
LEXO EDHE:
