-
Përktheu:
Flutura Gashi-Mehmeti
- 17 shkurt 2025 16:25
- Shpërndaje në:
Udhëheqësit evropianë kanë mbërritur të hënën në Pallatin Elysee për bisedime lidhur me Ukrainën.
Kryeministri i Mbretërisë së Bashkuar, Sir Keir Starmer ishte një nga udhëheqësit e parë që mbërriti. Ai është pritur nga presidenti francez, Emmanuel Macron, raporton BBC.
Macroni ka pritur edhe kancelarin gjerman, Olaf Scholz, shefen e BE-së, Ursula von der Leyen, kryeministrin spanjoll, Pedro Sanchez e kryeministrin e Polonisë, Donald Tusk.
Delegatë të tjerë të shumtë kanë arritur në Pallat për mbledhjen urgjente.
Ndërkohë, në Arabinë Saudite të hënën kanë arrritur kryediplomatët e SHBA-së dhe Rusisë, ku pritet që të martën të zhvillohen bisedime për t’i dhënë fund luftës në Ukrainë.
Këto bisedime do të zhvillohen pa pjesëmarrjen e Ukrainës.
LEXO EDHE:
