Një 26-vjeçar akuzohet për vrasjen e shefit të kompanisë së sigurimeve në Amerikë, Brian Thompson, në New York City javën e kaluar.
Luigi Mangione u kap në Altoona të Pensilvanisë, rreth 450 kilometra larg vendit të vrasjes, pasi një klient i “McDonalds” e identifikoi.
Kur u arrestua, Mangiones iu gjet edhe një armë dhe një dorëshkrim që jepte indikacione për “motivimin dhe mentalitetin”.
Mangione më pas u paraqit në gjykatën në Pensilvani. Atij iu mohua mundësia e dorëzanisë. Pak orë më pas, iu bë e ditur se akuzohet për vrasje dhe katër vepra të tjera lidhur me armëmbajtjen.
Thompsoni 50-vjeçar u qëllua për vdekje të mërkurën e shkuar, jashtë një takimi të organizatës që e udhëhiqte.
Sipas Policisë, bëhet fjalë për vrasje të planifikuar.
Javën e shkuar, Policia publikoi fotografitë e të dyshuarit ndërsa kapja e tij u bë krejt falë dëshmitarit.
