Kanada e ka listuar Korpusin e Gardës Revolucionare Islamike të Iranit (IRGC) si organizatë terroriste, pas vitesh presioni nga ligjvënësit opozitarë dhe disa anëtarë të diasporës iraniane.
Ministri i Sigurisë Publike, Dominic LeBlanc, e ka quajtur vendimin “një hap i rëndësishëm në luftimin e terrorizmit”.
Kjo lëvizje do të thotë se mijëra zyrtarë të lartë të qeverisë iraniane, përfshirë ata të Gardës, do të ndalohen që të hyjnë në Kanada.
IRGC është forcë e madhe ushtarake, politike e ekonomike në Iran, me lidhje të ngushta me liderin suprem, Ayatollah Ali Khamenei, raportoi BBC.
Llogaritet se ka mbi 190,000 ushtarakë aktivë me forcat tokësore, ajrore dhe detare.
SHBA-ja e ka etiketuar IRGC-në si organizatë terroriste në vitin 2019.
