Ushtria izraelite ka thënë se rreth 250 raketa janë lëshuar nga Hezbollahu përtej kufirit nga Libani, duke shënuar një nga bombardimet më të rënda ndaj Izraelit që nga intensifikimi i luftimeve në shtator.
Disa njerëz kanë mbetur të plagosur dhe ndërtesat u dëmtuan në Izraelin verior dhe qendror, disa prej tyre pranë Tel Avivit, raportoi të hënën BBC-ja.
Sulmet pasuan një sulm ajror izraelit në qendër të Bejrutit të shtunën, në të cilin ministria libaneze e shëndetësisë tha se janë vrarë 29 persona.
Një ditë më parë mediat izraelite raportuan se Izraeli dhe Libani po lëvizin drejt një marrëveshjeje armëpushimi për t'i dhënë fund luftimeve me Hezbollahun.
Hezbollahu, i cili më parë është zotuar se do t'i përgjigjet sulmeve në Bejrut duke synuar Tel Avivin, tha se ka lëshuar raketa precize në dy objekte ushtarake në qytet dhe aty pranë.
Ministria e Shëndetësisë e Libanit rriti të dielën numrin e të vdekurve nga 20 në 29 nga një sulm masiv izraelit, i nisur pa paralajmërim në qendër të Bejrutit.
Në Liban, më shumë se 3,670 njerëz janë vrarë dhe të paktën 15,400 janë plagosur që nga tetori i vitit 2023, sipas autoriteteve libaneze, me më shumë se një milion të detyruar të largohen nga shtëpitë e tyre.
