Gjysma e kanadezëve nuk e njohin favoritin për ta zëvendësuar Trudeaun

Mark Carney, njeriu që udhëhoqi varg krizash financiare dhe u bë zëri kryesor mbi rreziqet ekonomike të ndryshimeve klimatike, është favoriti për ta udhëhequr Partin Liberale të Kanadasë, pas dorëheqjes së kryeministrit Justin Trudeau, shkruan The Guardian.

Rrjedhimisht, Carney do të jetë edhe kryeministri i ardhshëm i Kanadasë.

Por sfida më e madhe për Carneyn mund të jetë që votuesit e zakonshëm kanadezë – madje edhe ata brenda partisë së tij – ta njohin.

Carney, i cili shërbeu si guvernator i Bankës së Kanadasë dhe Bankës së Anglisë, do a shpallë kandidaturën për të zëvendësuar Justin Trudeaun, në një ngjarje në Edmonton sot më vonë.

Pavarësisht profilit të lartë ndërkombëtar, Carney – si rivalët e tij në garën për lidershipin e partisë – janë të njohur pak brenda Kanadasë.

Sondazhi i këtij muaji nga “Abacus Data” zbuloi se kur u shfaq një fotografi e Carneyt, 76 për qind e kanadezëve nuk mund ta identifikonin.

Chrystia Freeland, ish-ministrja e Financave, e cila shihet si konkurrentja e Carneyt, ia doli shumë më mirë: 51 për qind e njihnin kur iu shfaq fotoja.

Në një sondazh në korrik, 93 për qind e të anketuarve nuk njihnin Carneyn në fotografi.