-
Përktheu:
Blerta Haxhiu
- 16 nëntor 2024 15:15
- Shpërndaje në:
Udhëheqësit e G7-s, që përbëhet nga shtetet më demokratike, përsëritën të shtunën një zotim për të vazhduar vendosjen e kostove të rënda ndaj Rusisë për pushtimin e saj në Ukrainë, përmes sanksioneve, kontrolleve të eksporteve dhe masave të tjera, dhe u zotuan të mbështesin Kievin për aq kohë sa të duhet.
“Rusia mbetet pengesa e vetme për paqen e drejtë dhe të qëndrueshme”, thuhet në një deklaratë të përbashkët të publikuar të shtunën, raporton Reuters.
Italia mban presidencën e radhës në vitin 2024 të G7-s, e cila përfshin gjithashtu Shtetet e Bashkuara, Kanadanë, Japoninë, Francën, Gjermaninë dhe Britaninë.
“G7 konfirmon angazhimin e saj për të imponuar kosto të rënda ndaj Rusisë përmes sanksioneve, kontrolleve të eksportit dhe masave të tjera efektive. Ne qëndrojmë të bashkuar me Ukrainën” thuhet më tej në deklaratë.
