Dy të vdekur e rreth 100 të lënduar pas aksidentit të trenit me një kamion në Rusi

Dy persona kanë vdekur dhe rreth 100 të tjerë janë lënduar të hënën, kur një tren me pasagjerë në rajonin e Rusisë jugore, Volgograd, është aksidnetuar me një kamion dhe ka dalë nga shinat, raportuan agjencitë e lajmeve ruse.

Agjencia e lajmeve “Interfax” ka raportuar se tetë vagonë dolën nga shinat.

Ministria e Emergjencës ka bërë të ditur se ekipet mjekësore janë në vendngjarje, duke shtuar se janë angazhuar edhe 324 punonjës të emergjencës. 

Helikopterët e emergjencës u nisën në ngjarje afër stacionit “Kotelnikovo”. Treni po udhëtonte nga Kazani në Adler në Detin e Zi.

Një video e paverifikuar në Telegram tregon së paku katër vagonë të dalë nga shinat, disa të rrotulluar, me njerëz që dilnin prej tyre.