Dy të vdekur e 12 të plagosur nga sulmi me dronë rusë në Sumy të Ukrainës

Një sulm me dronë rusë në qytetin verilindor të Ukrainës, Sumy, ka lënë të vdekur dy persona dhe ka plagosur 12 të tjerë të premten në mëngjes, thanë autoritetet rajonale.

Dymbëdhjetë ndërtesa banimi, pesë rezidenca private, një dyqan dhe tri makina u dëmtuan pasi tre dronë sulmuan qytetin rreth orës 5 të mëngjesit, njoftoi policia kombëtare, raporton Reuters. 

Volodymyr Artiukh, guvernatori rajonal i Sumyt, ka theksuar se forcat ruse kishin pajisur dronët me eksplozivë për sulmin në një zonë me popullsi të dendur të qytetit.

“Kjo armë përdoret... ekskluzivisht për të vrarë njerëz”, ka deklaruar Artiukh, duke treguar gërvishtjet në një ndërtesë të dëmtuar. “Jo për një objekt, por për të shkatërruar më shumë njerëz”.

Rusia ka goditur rajonin dhe infrastrukturën e tij kritike në sulmet vdekjeprurëse gjatë javëve të fundit.
Një sulm me dronë gjatë natës të martën në qytetin e vogël të Hlukhiv në rajon vrau 12 persona, duke përfshirë një fëmijë.

Të dielën në mbrëmje, një sulm me raketa në Sumy vrau 11 dhe plagosi 89 të tjerë, përveç që la pa energji qendrën administrative të rajonit.