Zyrtarë të Izraelit kanë deklaruar se militantët e Hamasit kanë sulmuar të dielën pikën kryesore të kalimit të ndihmave humanitare në Gaza e cila kontrollohet nga Izraeli, duke lënë të plagosur disa izraelitë dhe duke bërë që Izraeli të mbyllë terminalin.
Sulmi ndërpreu dërgesat kritike të ushqimit dhe ndihmave të tjera humanitare në Gaza dhe i dha një goditje të re përpjekjeve të vazhdueshme për armëpushim të ndërmjetësuara nga Egjipti dhe Katari, raporton Associated Press.
Ushtria izraelite raportoi për sulm në vendkalimin Kerem Shalom. Hamasi tha se kishte vënë në shënjestër ushtarët izraelitë në zonë. Kanali televiziv i Izraelit Channel 12 ka njoftuar se 10 persona u plagosën, tre prej të cilëve në gjendje të rëndë.
Kalimi Kerem Shalom i Izraelit është bërë porta kryesore për ndihmat humanitare shumë të nevojshme për të hyrë në Gaza. Ushtria ka bërë të ditur se kalimi u mbyll menjëherë, duke ndaluar dërgesat e ndihmave në Gazën e goditur rëndë. Ishte e paqartë se sa kohë do të qëndronte i mbyllur pikëkalimi.
Sulmi kërcënon ndërlikimin e vazhdueshëm të armëpushimit në Egjipt.
