-
Përktheu:
Flutura Gashi-Mehmeti
- 13 tetor 2024 18:10
- Shpërndaje në:
Presidenti amerikan, Joe Biden ka arritur të dielën në Florida për të parë nga afër shkatërrimin e shkaktuar në bregun e Gjirit të Floridës nga uragani Milton.
Vizita e presidentit të dielën vjen pasi ai i kërkoi Kongresit të miratojë para shtesë për fatkeqësitë e emergjencës, pasi uraganet e njëpasnjëshme goditën juglindjen, raporton AP.
Shumë shtetas të Floridas kaluan pjesën më të madhe të së shtunës ose duke pritur orë të tëra në radhë për gaz, duke u përpjekur të ktheheshin në shtëpi, ose duke filluar punën e mundimshme të pastrimit pas uraganit Milton.
Guvernatori Ron DeSantis ka thënë se u hapën disa depo karburanti ku banorët mund të merrnin 10 litra gaz falas.
Zyrtarët po përdornin gjithashtu rezervat shtetërore të karburantit për të rimbushur stacionet e karburantit të zonës.
Moody's Analytics vlerëson se kostot ekonomike nga stuhia do të variojnë nga 50 deri në 85 miliardë dollarë.
