Bideni ndalon shpimet për naftë dhe gaz në pjesën më të madhe të vijës bregdetare

Presidenti i SHBA-së, Joe Biden ka njoftuar se ka vendosur të ndalojë shpimin për naftë dhe gaz në det të hapur, përgjatë pjesës më të madhe të vijës bregdetare të Amerikës.

Vendimi vjen disa javë përpara se Donald Trumpi të marrë detyrën zyrtarisht, raporton BBC.

Ndalimi i shpallur nga Bideni mbulon të gjithë bregdetin e Atlantikut dhe Gjirin lindor të Meksikës, si dhe bregun e Paqësorit pranë Kalifornisë, Oregon dhe Uashington, dhe një pjesë të Detit Bering jashtë Alaskës.

Vendimi është i fundit në një varg veprimesh të politikës klimatike të minutës së fundit nga administrata Biden, përpara kthimit të Trumpit në Shtëpinë e Bardhë.

"Vendimi im pasqyron atë që komunitetet bregdetare, bizneset dhe plazhistët e kanë njohur për një kohë të gjatë: se shpimi në këto brigje mund të shkaktojë dëme të pakthyeshme në vendet që ne i duam dhe është e panevojshme për të përmbushur nevojat e kombit tonë për energji. Nuk ia vlen rreziqet”, ka thënë Bideni në një deklaratë.