Administrata Biden ka njoftuar Kongresin se do ta heqë Kubën nga lista e shteteve që sponsorizojnë terrorizmin, në një marrëveshje që zyrtarët kanë thënë se do të ndihmojë në lirimin e të burgosurve politikë të mbajtur nga qeveria komuniste e shtetit.
Marrëveshja u njoftua të martën, vetëm pesë ditë para se Bideni të largohet nga Shtëpia e Bardhë dhe Donald Trump të inaugurohet si presidenti i 47-të i SHBA-së, raportoi Guardian.
“Një vlerësim është kryer dhe ne nuk kemi informacione që mbështesin përcaktimin se Kuba është një shtet që sponsorizon terrorizmin”, ka njoftuar një zyrtar i lartë i administratës.
Trumpi e kishte futur në listë Kubën si shtet sponsorizues i terrorizmit në vitin 2021 pak para se ta linte zyrën, për “mbështetjen e vazhdueshme të veprimeve të terrorizmit ndërkombëtar në lejimin e një posti të sigurt për terroristët”. Kuba më parë ishte hequr nga ajo listë kur president ishte Barack Obama.
