-
Përktheu:
Blerta Haxhiu
- 20 korrik 2024 12:09
- Shpërndaje në:
Ushtarët e Bangladeshit patrulluan rrugët e kryeqytetit Dhaka të shtunën gjatë një shtetrrethimi që synonte të shuante protestat vdekjeprurëse të udhëhequra nga studentët kundër kuotave të punës qeveritare, nga të cilat janë vrarë të paktën 105 njerëz këtë javë, raporton Reuters.
Një pezullim i shërbimeve të internetit dhe mesazheve ka mbetur në fuqi që nga e enjtja, duke shkëputur Bangladeshin nga bota ndërsa policia u përball me protestat që kanë vazhduar pavarësisht ndalimit të tubimeve publike.
Thirrjet telefonike jashtë shtetit kryesisht dështuan për t'u lidhur ndërsa faqet e internetit të organizatave mediatike me bazë në Bangladesh nuk u përditësuan.
Përveç vdekjeve, nga përleshjet janë lënduar mijëra persona, sipas të dhënave nga spitalet në të gjithë Bangladeshin.
Për pesë ditë policia ka hedhur gaz lotsjellës për të shpërndarë protestuesit ndërsa ata u përleshën me personelin e sigurisë, duke hedhur tulla dhe duke ndezur automjete.
