Arrestohet një francez në Rusi, dyshohet për spiunazh

Autoritetet ruse kanë bërë të ditur të enjten se kanë arrestuar një shtetas francez me dyshimin se ka mbledhur informacione lidhur me aktivitetet e ushtrisë ruse. 

Komiteti Shtetëror Hetimor i Rusisë ka njoftuar se i arrestuari dyshohet se gjatë një periudhe disavjeçare ka mbledhur me qëllim informacione në fushën e veprimtarive ushtarake dhe ushtarako-teknike të Federatës Ruse. 

“Ky informacion, kur merret nga burime të huaja, mund të përdoret kundër sigurisë së shtetit. Për këto qëllime, ai vizitoi vazhdimisht territorin e Rusisë, përfshirë qytetin e Moskës, ku zhvilloi takime me qytetarë rusë”, kanë deklaruar nga Komiteti Shtetëror Hetimor i Rusisë, raporton Reuters.

Autoritetet kanë thënë se burri, identitetin e të cilit nuk e kanë bërë publik, do të akuzohet së shpejti sipas ligjit rus për mos egjistrimin si “agjent i huaj”, shkelja e të cilit mund të dënohet deri në pesë vjet burgim.