Andrew Tate përballet me hetim në Florida pasi iku nga Rumania ku po gjykohej

Florida ka nisur një hetim penal ndaj influencuesve britaniko-amerikanë Andreë dhe vëllait të tij Tristan Tate, të cilët kanë mbërritur në shtet javën e kaluar nga Rumania, ku u përballën me akuza për përdhunim dhe trafikim njerëzor.

Prokurori i Përgjithshëm i Floridës, James Uthmeier, ka thënë se hetuesit kanë lëshuar urdhra kërkimi dhe fletëthirrje si pjesë e një hetimi "tani aktiv", raporton BBC.

Në SHBA, vëllezërit përballen gjithashtu me një padi civile nga një grua që pretendonte se e detyruan atë të kryente punë seksuale. Ata mohojnë me forcë të gjitha akuzat ndaj tyre.

Një ish-kikboksier dhe i vetë-përshkruar mizogjen i cili është shfaqur në shfaqjen televizive në Mbretërinë e Bashkuar “Big Brother”, Andreë Tate ka miliona ndjekës në internet.

Andrew, 38 vjeç dhe vëllai i tij Tristan, 36 vjeç, përballen me akuza të veçanta në Mbretërinë e Bashkuar për përdhunim dhe trafikim njerëzor. Ata i mohojnë gjithashtu këto akuza.

Tates u arrestuan për herë të parë në Rumani në dhjetor të vitit 2022, teksa Andreë akuzohet për përdhunim dhe trafikim njerëzor ndërkaq Tristan është i dyshuar për trafikim njerëzor. Ata u transferuan në Rumani nga Mbretëria e Bashkuar disa vite më parë.

Të dy i mohuan akuzat dhe kaluan disa muaj në arrest shtëpiak. Një vit më vonë, në gusht 2024, ata u përballën me akuza të reja, duke përfshirë marrëdhëniet seksuale me një të mitur dhe trafikimin e personave të mitur, të cilat ata i mohojnë të gjitha.

Vëllezërit Tates duhet të kthehen në Bukuresht në fund të marsit për të përmbushur kushtet e prokurorëve, megjithatë, nuk dihet nëse ata do ta respektojnë këtë.