-
Përktheu:
Flutura Gashi-Mehmeti
- 13 tetor 2024 10:02
- Shpërndaje në:
Të paktën 29 persona janë vrarë nga sulmet ajrore izraelite në Rripin qendror dhe verior të Gazës të shtunën gjatë natës, kanë bërë të ditur mjekët në Gaza.
Forcat e Mbrojtjes të Izraelit (IDF) filluan një tjetër ofensivë në Jabalia një javë më parë, duke thënë se Hamasi po përpiqej të rikthente infrastrukturën e tij atje, raporton BBC.
Rreth 150 palestinezë janë vrarë atje gjatë javës së kaluar, sipas zyrtarëve shëndetësorë në Gaza.
Njerëzit e zhvendosur në zonë thonë se ushtria izraelite ka rrethuar Jabalian dhe i ka urdhëruar ata të largohen përmes një korridori.
Në Libanin jugor, Hezbollahu thotë se "u përlesh" me ushtarët izraelitë që përpiqeshin të kalonin në fshatin Ramiya, herët të dielën.
Ministria libaneze e Shëndetësisë thotë se 15 persona janë vrarë në tri sulme izraelite gjatë 24 orëve të fundit në Deir Bella, Al Maaysra dhe Barja.
IDF-ja ka thënë ndërkaq se Hezbollahu ka lëshuar rreth 320 predha nga Libani në Izrael të shtunën.
