-
Përktheu:
Flutura Gashi-Mehmeti
- 30 prill 2025 08:40
- Shpërndaje në:
Të paktën 14 persona kanë mbetur të vdekur si pasojë e një zjarri që ka shpërthyer të martën në një hotel ne qytetin e Kalkutës, në Indinë lindore, ka bërë të ditur policia.
Një oficer policie u ka thënë gazetarëve se zjarri ka shpërthyer të martën në mbrëmje në hotelin Rituraj në qendër të Kalkutës, dhe është shuar pas një përpjekjeje të mundimshme.
Shkaku i zjarrit nuk është bërë ende i qartë, raporton AP.
Gazeta Telegraph e Kolkatas ka raportuar se të paktën një person ka vdekur kur është hedhur nga tarraca duke u përpjekur të arratisej.
Zjarret janë të zakonshme në Indi, ku ndërtuesit dhe banorët shpesh shpërfillin ligjet e ndërtimit dhe kodet e sigurisë.
Aktivistët thonë se ndërtuesit shpesh evitojnë çështjet e sigurisë për të kursyer kostot.
Në vitin 2022, të paktën 27 njerëz kanë vdekur kur një zjarr masiv shpërtheu një ndërtesë tregtare katërkatëshe në Nju Delhi.
