-
Përktheu:
Flutura Gashi-Mehmeti
- 26 shtator 2024 07:29
- Shpërndaje në:
Aleatët, duke përfshirë SHBA-në, Britaninë e Madhe dhe BE-në kanë bërë thirrje për një armëpushim të përkohshëm në Liban, pas një përshkallëzimi në luftimet midis Izraelit dhe Hezbollahut.
Blloku prej 12 anëtarësh propozoi një pauzë të menjëhershme 21-ditore në luftime "për të ofruar hapësirë drejt një zgjidhjeje diplomatike" dhe një armëpushimi në Gaza, raporton BBC.
Në një deklaratë të përbashkët, ata kanë thënë se armiqësitë janë "të patolerueshme" dhe paraqisnin një "rrezik të papranueshëm të një përshkallëzimi më të gjerë rajonal" që nuk është as në interes të popullit të Izraelit dhe as të Libanit.
Thirrja vjen pasi shefi ushtarak i Izraelit u ka thënë trupave të mërkurën se sulmet ajrore në Liban që synojnë Hezbollahun mund t'u hapin rrugën atyre që të "hyjnë në territorin e armikut".
Vërejtjet e gjenerallejtënant Halevi janë treguesi më i qartë se një pushtim tokësor në Liban mund të jetë i afërt.
Deklarata e përbashkët u nënshkrua nga SHBA-ja, Australia, Kanadaja, Bashkimi Evropian, Franca, Gjermania, Italia, Japonia, Arabia Saudite, Emiratet e Bashkuara Arabe, Mbretëria e Bashkuar dhe Katari.
Një deklaratë e përbashkët e veçantë e presidentit amerikan, Joe Biden dhe presidentit francez Emmanuel Macron tha se ishte koha për një zgjidhje "që garanton sigurinë dhe sigurinë për t'u mundësuar civilëve të kthehen në shtëpitë e tyre".
“Armiqësitë aktuale kërcënojnë për një konflikt shumë më të gjerë dhe dëm për civilë. Prandaj ne kemi punuar së bashku ditët e fundit në një thirrje të përbashkët për një armëpushim të përkohshëm për t'i dhënë diplomacisë një shans për të pasur sukses dhe për të shmangur përshkallëzimin e mëtejshëm përtej kufirit”, kanë thënë ata.
