11 të vrarë në Gaza si pasojë e sulmeve izraelite

11 persona janë vrarë në orët e para të së martës në Gazën qendrore si pasojë e sulmeve izraelite.

Sulmet izraelite të cilat patën cak një shtëpi në kampin e refugjatëve Bureij në qendër të Gazës, lanë të vrarë dy prindër dhe vajzën e tyre të vogël, ndërsa një sulm i dytë herët të martën goditi një automjet policie në qytetin qendror Deir al-Balah, duke vrarë tetë oficerë.

Një reporter i Associated Press numëroi trupat që mbërritën në Spitalin e Martirëve Al-Aqsa në Deir al-Balah të hënën dhe konfirmoi detajet me të dhënat e spitalit.

Izraeli thotë se përpiqet të shmangë dëmtimin e civilëve dhe e fajëson Hamasin për vdekjet e tyre, sepse sipas Izraelit, Hamasi dërgon luftëtarët në zona të dendura dhe të banuara.