-
Përktheu:
Flutura Gashi-Mehmeti
- 5 shkurt 2025 08:42
- Shpërndaje në:
Ka arritur në 11 numri i të vdekurve nga sulmi me armë zjarri në një qendër arsimore në Suedinë qendrore, duke përfshirë edhe të dyshuarin e armatosur.
Kryeministri suedez, Ulf Kristersson e ka përshkruar sulmin e së martës në shkollën “Risbergska” në Orebro, 200 km në perëndim të kryeqytetit Stokholm, si "të shtënat masive më të rënda në historinë suedeze", raporton BBC.
“Është e vështirë të merren parasysh përmasat e asaj që ka ndodhur sot”, ka thënë Kristersson në një konferencë shtypi në mbrëmje.
Policia ka thënë se i dyshuari është në mesin e të vdekurve dhe besohet se ka vepruar i vetëm. Ata kanë shtuar se motivi është ende i paqartë, por kanë përjashtuar çdo gjë "ideologjike".
Policia më herët ka paralajmëruar se numri i të vdekurve mund të vazhdojë të rritet pasi disa persona janë të plagosur.
LEXO EDHE:
