-
Përktheu:
Flutura Gashi-Mehmeti
- 12 nëntor 2024 16:10
- Shpërndaje në:
Të paktën 11 persona janë lënduar pasi një fluturim nga Buenos Airesi në Argjentinë për në Frankfurt të Gjermanisë pati turbulenca të forta, ndërsa udhëtonte mbi Atlantik, ka bërë të ditur të martën linja ajrore “Lufthansa”.
“Fatkeqësisht, pesë pasagjerë dhe gjashtë anëtarë të ekuipazhit pësuan lëndime kryesisht të lehta”, ka thënë një zëdhënës i Lufthansa për Reuters, duke konfirmuar një raport nga agjencia e lajmeve DPA.
"Siguria e fluturimit nuk ishte në rrezik në asnjë moment”, ka shtuar zëdhënësi.
Të lënduarit morën trajtim mjekësor menjëherë pasi avioni u ul i sigurt në destinacionin e tij të planifikuar të martën në orën 10:53, sipas kohës lokale.
Boeing 747-8 kishte 329 pasagjerë dhe 19 anëtarë të ekuipazhit. Turbulenca ishte e shkurtër dhe ndodhi në një zonë të konvergjencës ndërtropikale, sipas kompanisë.
Në maj, një pasagjer vdiq nga një sulm i dyshuar në zemër dhe 30 u plagosën kur një aeroplan pasagjerësh i Singapore Airlines u godit nga një xhep ajri mbi pellgun Irraëaddy në Myanmar.
