Vëllaznimi i Gjakovës ka fituar ndaj Teutës në ndeshjen e xhiros së parë të Ligës Unike, që u zhvillua të mërkurën mbrëma në palestrën “Ramazan Njala”. “Kuqezinjtë” triumfuan me gjashtë pikë dallim, 98:92.
Pjesa e parë ishte thuajse e barabartë.
Vëllaznimi fitoi 27:20 në çerekun e parë, ndërsa durrsakët në periudhën e dytë fituan 27:21.
Çereku i tretë u mbyll 23:19, me Teutën që në dhjetë minutat e fundit hyri me tri pikë epërsi, 70:67.
Vëllaznimi në çerekun e fundit fitoi 31:22 dhe iu gëzua fitores.
Jason Jitoboh i pati statistikat më të mira te vendësit me 18 pikë e dhjetë kërcime, kurse Jericol Hellemi i shënoi 24 pikë, gjashtë kërcime e katër asistime.
Teutës nuk i ndihmoi loja e mirë e Tyras Morton, që ndeshjen e mbylli me 17 pikë, nëntë kërcime e katër asistime.
