Kampionia e kosovës në basketboll, Trepça, është ndarë me njërin prej basketbollistëve të rëndësishëm.
Klubi mitrovicas të hënën njoftoi se fundor Amin Hot ka refuzuar të vazhdoi kontratën, me gjithë ofertën e klubit.
Hot ka luajtur për mitrovicasit për tri vjet. Në edicionin e fundit i fitoi gjithë trofetë. Pas ardhjes te
Trepça, Hot u bë edhe reprezentues i Kosovës.
“Ai do të jetë gjithnjë anëtar i respektuar i familjes së madhe Trepça. Shembull në parket e po ashtu jashtë tij, Amini ka kontribuar shumë në sukseset tona madhore gjatë tri vjetëve të fundit. Amini largohet si kampion dhe i respektuar nga i gjithë qyteti, pjesë e të cilit do të jetë gjithnjë”, shkruan në postimin e Trepçës.
