Kampionia e Kosovës në basketboll, Trepça, ka mësuar të mërkurën kundërshtarin e parë në kualifikimet e Ligës së Kampionëve. Fillimisht Trepça do të përballet me skuadrën qipriote, Keravnos.
Nëse fiton, përballë skuadra mitrovicase do ta ketë kampionin e Çekisë, Nymburkun.
Ndërkohë për të kaluar nga kualifikimet në stinorin e rregullt Trepçës i duhet edhe fitorja e tretë. Kutaisi i Gjeorgjisë, Levice e Sllovakisë dhe Kalev/Cramo e Estonisë janë kundërshtarët e mundshëm në ndeshjen e tretë eventuale të Trepçës.
Turnetë kualifikues mbahen prej 15 shtatorit deri më 22 shtator. Vendi dhe orari i detajuar do të caktohen ndërkohë.
