Proton Cable Prizrenit nuk i ka mjaftuar loja e mirë e basketbollistit amerikan Tervell Beck, pasi të shtunën mbrëma pësoi disfatë në ndeshjen e vlefshme për javën e 23-të të Superligës së Kosovës në basketboll.
Proton Cable Prizreni në palestrën “Sezai Surroi” u mposht nga Peja me rezultatin 98:79.
Çereku i parë u mbyll baras 20:20.
Ndërsa Peja fitoren e arriti duke e fituar çerekun e dytë me rezultatin 35:18 dhe çerekun e tretë me rezultatin 25:15.
Prizreni e fitoi çerekun e fundit, 26:18, por pa ia rrezikuar fitoren Pejës.
Tervell Beck te vendësit i pati 19 pikë dhe gjashtë kërcime.
Te Peja me paraqitje u shqua Dardan Berisha me 19 pikë, gjashtë kërcime dhe dy asistime.
Proton Cable Prizreni mbetet i fundit në tabelë me 28 pikë.
Peja është në vendin e katërt me 35 pikë.
