Pas Trepçës dhe Golden Eagle Yllit, në gjysmëfinale të “Final 8” Ligës Unike që po organizohet në Vlorë, ka kaluar edhe kampionia në fuqi e Kosovës, Peja.
Peja pa telashe fitoi të enjten gjatë ditës ndaj Teutës me rezultatin 122:78.
Pejanët kanë dominuar që nga fillimi.
45:13 dhe 28:21 i fituan dy çerekët e parë, për të shkuar në pushim me rezultatin 73:34.
Teuta e fitoi vetëm çerekun e fundit, 23:19, por jo mjaftueshëm për ta shmangur humbjen.
Por deri në fund, “verdhezinjtë” e kontrolluan lojën dhe arritën të triumfonin me 44 pikë epërsi.
Justin Davis me 29 pikë, 14 kërcime e gjashtë asistime ishte më i dalluari te Peja.
Deandre Davis pati 18 pikë, katër kërcime e një asistim, kurse Sadio Doucoure e mbylli ndeshjen me 17 pikë, 7 kërcime e një asistim.
Nga basketbollistët vendor, vetëm Arian Qallakaj pati pikë dyshifrore. Ai shënoi 11 pikë, dy kërcime e gjashtë asistime.
Te Teuta statistikat më të mira i pati Patrick Bacon që shënoi 27 pikë, pesë kërcime e shtatë asistime.
Në gjysmëfinale të premten Peja do të luajë kundër Golden Eagle Yllit.
Ndeshja nis në orën 16:00.
