Të dy ndeshjet me skuadrën Maroussi, skuadra e basketbollit Peja i luan në Greqi. Ndeshjet i takojnë kualifikimeve të FIBA Europe Cup, ndërsa sipas njoftimit të FBK-së dy ndeshjet zhvillohen në Greqi “për shkak të problemeve në palestrën ‘Karagaçi’ në Pejë”.
Edhe te Peja kanë thënë se janë detyruar t’i luajnë në Greqi dy ndeshjet për shkak të problemeve në palestër.
Por palestra në Pejë është e denjë për ndeshje të Superkupës së Kosovës në basketboll në konkurrencë të femrave.
Të martën FBK-ja sërish shkroi për palestrën “Karagaçi”. Këtë herë njoftoi se Superkupa e Kosovës për basketbolliste do të zhvillohet në këtë arenë prej 30 shtatorit deri më 4 tetor. Ngjarja organizoahet nga klubi Peja 03 në bashkëpunim me FBK-në.
