Përfaqësuesja U20 e Kosovës në basketboll është mposhtur thellë të mërkurën mbrëma nga Ukraina, në kuadër të Eurobasketit U20, Divizionin B.
“Dardanët” humbën me rezultatin 67:50 në Mioveni të Rumanisë. Ukrainasit çerekun e parë e fituan 14:9, ndërsa në pushim mes pjesëve shkuan me 16-të pikë dallim, 36:20.
Periudha e tretë ishte e barabartë, 13:13, ndërsa me një pikë dallim, 18:17, ukrainasit fituan në dhjetë minutëshin e fundit, për fitoren me 17 pikë dallim.
Rrhon Dahsyla ishte më i dalluari te “Dardanët” me 13 pikë, tetë kërcime e tri asistime.
Pikë dyshifrore pati vetëm edhe Eliot Peci, 10 gjithsej.
Ai kontribuoi edhe me katër kërcime e tri asistime, por të pamjaftueshme për ta shmangur disfatën.
Daniil Sypalo tek ukrainasit pati dyshifror të dyfishtë prej 14 pikëve e 13 kërcimeve.
Kosova fazën grupore e mbylli me dy fitore e tri disfata.
U rendit në vendin e katërt të Grupit C me shtatë pikë, para Armenisë e Moldavisë.
Tani do të luajë për plasman të përgjithshëm.
