Polo ka qenë një nga modelet më të njohura të Volkswagenit për breza, pothuajse një markë më vete. Megjithatë, mbijetesa e tij u kërcënua nga rregulloret e reja evropiane të sigurisë dhe emetimeve. Duke qenë se diskutimet rreth Euro 7 dhe elektrifikimit po zbuten, Polo po “merr sërish frymë”, shkruan Autoblog.
Kompanitë e veturave kanë qenë në hall me lëkundjet në politikën mjedisore evropiane.
Por një lajm i mirë ka ardhur nga Brukseli. Sipas tyre, rregullorja për Euro 7 nuk do të hyjë në fuqi deri në vitin 2030.
Kjo do të thotë se Volkswageni e ka në plan të vazhdojë të sjellë modele të Polos edhe për gjashtë vjet, ndryshe nga ç’ishte raportuar se ky model më nuk do të prodhohej.
Volkswagen Polo për herë të parë u lansua në vitin 1975, ndërsa modeli i fundit më 2017.
