Kompania gjermane e automjeteve Volkswageni ka njoftuar ndryshime gjithëpërfshirëse në operacionet e saj në Gjermani gjatë fundjavës, raportoi Reuters.
Ndryshimet përfshijnë më shumë se 35 mijë reduktime të ardhshme të vendeve të punës dhe të kapaciteteve në një marrëveshje të fundit midis prodhuesit kryesor të veturave evropiane dhe sindikatave për të shmangur grevat masive.
Drejtuesit e sindikatës e përshëndetën marrëveshjen si "mrekulli Krishtlindjesh" pas 70 orësh negociatash, më të gjatat në historinë 87-vjeçare të kompanisë.
VW-ja duket se është tërhequr nga kërkesa për ulje të pagave prej 10 për qind.
Volkswageni ka qenë në bisedime me përfaqësuesit e sindikatës që nga shtatori për masat që i quajti të nevojshme për të konkurruar me rivalët më të lirë kinezë.
VW-ja tha se marrëveshja do të mundësonte kursime prej 15 miliardë eurosh në vit në afat të mesëm dhe nuk pati asnjë ndikim të rëndësishëm në udhëzimet e saj për 2024.
35 mijë shkurtimet e ardhshme të vendeve të punës do të përfaqësojnë rreth një të katërtën e fuqisë punëtore të VW-së dhe do të vijnë së bashku me reduktimin e rrjetit të fabrikave gjermane të kompanisë me më shumë se 700,000 automjete.
