Mercedes-Benzi po planifikon të shkurtojë vendet e punës për 10-15 për qind në Kinë në sektorin e shitjes dhe financimit, si dhe të reduktojë kostot e fuqisë punëtore për 25 për qind deri në vitin 2027, raportoi Reuters.
Rreth 2,000 njerëz që punojnë në kërkim dhe zhvillim në Mercedes-Benz në Kinë nuk do të ndikohen nga shkurtimet, pasi prodhuesi i veturave po fokusohet në përshtatjen e produkteve të tij në tregun kinez, ku përballet me një grup në rritje të rivalëve vendas.
Prodhuesi gjerman i automjeteve luksoze po ul kostot globalisht dhe paralajmëroi javën e kaluar se të ardhurat e vitit 2025 do të bien ndjeshëm krahasuar me vitin e kaluar.
Megjithatë, kompania planifikon të shpenzojë shumë në Kinë gjatë viteve të ardhshme për të mbrojtur dhe rritur pjesën e saj të tregut në vend.
