Prodhuesi amerikan i automjeteve, Ford Motors, ka njoftuar gjatë fundjavës se ka ndaluar dërgesat e veturave, kamionëve dhe veturave sportive të saj në Kinë, raportoi Reuters.
Kjo për shkak të tarifave hakmarrëse prej 150 për qind.
"Ne kemi rregulluar eksportet nga SHBA-ja në Kinë në dritën e tarifave aktuale", ka deklaruar kjo kompani.
Kompania këtë javë ndaloi dërgesat e F-150 Raptors, Mustangs dhe Broncos të prodhuara në Michigan, si dhe Lincoln Navigators të prodhuar në Kentaki, në Kinë.
Zhvillimi ndodhi derisa prodhuesit amerikanë të automjeteve përpiqen të gjejnë mënyra për të trajtuar tarifat e përsëritura të Presidentit Donald Trump, të cilat pritet të dëmtojnë gjithashtu fitimet e prodhuesve të makinave dhe furnizuesve të pjesëve.
Eksportet e Ford-it të motorëve dhe transmisioneve të prodhuara në SHBA në Kinë pritet të vazhdojnë pavarësisht nga pauza në eksportet e automjeteve të montuara.
Trump në fillim të kësaj jave nxori idenë se po konsideron modifikimin e tarifave të lidhura me automjetet, duke treguar se mund të lejojë përjashtime nga taksat ekzistuese.
