Prodhuesi amerikan i automjeteve pritet të tërheqë mbi 270 mijë automjete në Shtetet e Bashkuara të Amerikës për shkak të shqetësimeve për dështim të baterisë, raportoi Reuters.
Siç ka njoftuar të enjten Administrata Kombëtare e Sigurisë së Trafikut në Autostrada (NHTSA), tërheqja do të prekë disa automjete Bronco Sport 2021-2023 dhe Maverick 2022-2023.
Bateria 12 volt mund të dështojë papritur, gjë që mund të rezultojë në humbjen e aksesorëve elektrikë, përfshirë dritat, ose të shkaktojë humbje të fuqisë së veturës, duke rritur rrezikun e përplasjes, ka thënë rregullatori amerikan i sigurisë së automjeteve.
Tutje bëhet e ditur se tregtarët do të inspektojnë dhe, nëse është e nevojshme, do të zëvendësojnë baterinë 12 volt pa pagesë.
