Në qytetin më të madh katalanas, Barcelona, semaforët për çiklistët shkaktojnë kaos në trafik, gjë që nuk është për t'u habitur kur shihni se si duket njëri prej tyre.
I ashtuquajturi “semafori tetris” ka 16 ekrane, dhe është krijuar për t'ua lehtësuar lëvizjen çiklistëve. Megjithatë, kjo çoi në efektin krejtësisht të kundërt, shkruan DailyExpress.
Ekranet e semaforit tregojnë se kur çiklistët mund të kthehen majtas, të shkojnë drejt ose të kthehen djathtas. Në teori, kjo funksionon shkëlqyeshëm, por në praktikë, shumë drita dhe shigjeta të ndryshme i ngatërrojnë plotësisht çiklistët, si dhe të gjithë përdoruesit e tjerë të rrugës.
Problemi lind në kryqëzimin e dy shtigjeve të biçikletave me dy drejtime, sepse semafori atëherë nuk ka tetë, por 16 ekrane që duhet të rregullojnë trafikun.
Pavarësisht ankesave të shumta, autoritetet e qytetit nuk shohin ndonjë problem dhe u thonë çiklistëve se thjesht duhet të mësohen me të.
