Vetura të xhandarmërisë serbe patrullojnë afër Policisë së Kosovës në Jarinjë

Rruga për në pikën kufitare të Jarinjës vazhdon të jetë e mbyllur edhe në ditën e katërt të protestës së serbëve lokalë.

Aty po protestohet pas masës së reciprocitetit për targat e veturave nga Serbia, të vendosur nga Qeveria e Kosovës, raporton KOHA.

Sipas policëve të Njësisë Speciale të Kosovës, dy vetura të xhandarmërisë së Serbisë janë vërejtur duke patrulluar në distancë të afërt ajrore me Policinë e Kosovës, por në anën e territorit serb.

Nga atje raportohet se situata po vazhdon të jetë e qetë.

{gallery}