Të enjten Kuvendi i Kosovës do të mbajë vazhdim të seancës plenare, e në rend të ditës do të jenë disa pika të rendit të ditës.
Seanca pritet të nisë në orën 10:00, e ndër diskutimet do të jetë votimi i projekt-rezolutës për adresimin e gjetjeve të raportit të Departamentit Amerikan të Shtetit.
Kuvendi njoftoi se do të jenë edhe pika nga seanca e 2 majit dhe e 4 prillit, ndër to, votimi në lexim të dytë të projektligjit për shëndetin riprodhues dhe fertilizimin e asistuar mjekësor.
KOHA ka raportuar ditë më parë se një numër projektligjesh dhe amendamentesh nuk po votohen për shkak të mosprezencës së deputetëve të Listës Serbe në Kuvend.
