Komandanti i KFOR-it, Ozkan Ulutash, ka takuar ambasadorët dhe shefat e misioneve nga 28 vendet aleate që kontribuojnë me trupat e KFOR-it.
KFOR-i ka njoftuar të hënën se diskutimi është fokusuar në një sërë temash, duke përfshirë situatën e sigurisë, aktivitetet aktuale dhe bashkëpunimin me komunitetin më të gjerë ndërkombëtar.
“Ky takim është një tjetër demonstrim konkret i përkushtimit tonë kolektiv dhe të palëkundur drejt sigurisë së qëndrueshme për të gjitha komunitetet që jetojnë në Kosovë dhe për stabilitetin rajonal”, thuhet në komunikatën e KFOR-it.
Ky institucion ka përsëritur thirrjen se vazhdon të përmbushë mandatin e tij, për të kontribuuar në një mjedis të sigurt për të gjithë njerëzit që jetojnë në Kosovë.
