Emisari i Gjermanisë për Ballkanin Perëndimor, Manuel Sarrazin, të enjten do ta vizitojë Kosovën.
Ambasada e Gjermanisë në Kosovë ka njoftuar për vizitën e Sarrazinit.
Sarrazin do të ketë një prononcim për media në Aeroportin e Prishtinës nga ora 18:00, pas takimeve zyrtare.
“Manuel Sarrazin, përfaqësuesi special i Gjermanisë për shtetet e Ballkanit Perëndimor do ta vizitojë Kosovën nesër. Pas takimeve zyrtare, Sarrazin do të japë një deklaratë për media para largimit”, është thënë në njoftimin e Ambasadës së Gjermanisë.
