Ambasadori i Gjermanisë në Kosovë, Jorn Rohde, ka thënë se e mbështet plotësisht deklaratën e BE-së lidhur me aksionin e Policisë së Kosovës për mbylljen e strukturave paralele në dhjetë komuna në vend.
Ai ka thënë se në parim pajtohet që struktura të tilla nuk duhet të funksionojnë në Kosovë, por se sipas tij, rruga drejt mbylljes së tyre duhet të jetë gjithëpërfshirëse.
“Më lejoni të jem i qartë: ne jemi dakord në parim që funksionimi i strukturave të tilla paralele duhet të ndërpriten. Por rruga drejt kësaj duhet të jetë gjithëpërfshirëse. Me veprime si sot, nuk fitoni zemrat, mendjet e njerëzve të prekur”, ka shkruar Rohde në rrjetin social X.
Full support for the EU statement.
And let me be clear: We agree in principle that such parallel structures need to be terminated. But the way towards this must be inclusive.
With actions like today, you don't win the hearts + minds of the people affected.https://t.co/WiDGyIzdf6— Ambassador Jörn Rohde (@GermanAmbKOS) January 15, 2025
Bashkimi Evropian ka kritikuar Kosovën për shkak të mbylljes së strukturave paralele, pasi siç ka thënë, këto veprime bien ndesh me detyrimet e Kosovës ndaj BE-së.
